Escolo alesenco : LA FARE - ALAIS

-1-

M’as di : « Faï revïoüra ta

Qué s’escrafo é s’apouridis ;

Seouclo, desbrousso-la de la mousso nouvèlo

Dé soun franchiman mescladis.

Dessouto aquel rouvil, la pensado s’endéco ;

Et soun poëtico calioü

Abessi d’aoü cendras qué l’amato et lou séco

Muor san baïuerno é sans elioü.

Quand nostes viels, d’aoü soun dé lus amo férado,

Fasieoü sourti dé fiers perpaoüs ;

Quand la prunèlo en fio, la man drécho sarado

Sus lou manche dé lus destraoüs,

Sinnavou, dé lus san, un séramen saoüvage

Séramen d’amour ou de mor,

Anavou pas dé vèr Paris, lou grand vilage,

Manléva soun parla rétor.

Lou passa siblo à moun aoüreïo

D’aquéles airs que fan raïva,

D’aquéles airs d’aou ciel qu’en pantaïsan l’on trovo

Et que Fabre de Cello-Novo

Soul, san dourmi, pouguè trouva.

La lengo qu’a lou maï de prusé poëtico,

La lengo qu’es touto musico

Per caoü sen la fan de rima,

Es la qu’on barboutis, éfan, à la brassièïro,

Es aquélo qué la prémièïro

Nous apren à dire : Mama.

/…/


-2-

Aïme, quand l’hiver pounchéjo

Lou vespre dé la Toussan,

Et qué l’âouro-d’âou cousséjo

La fieïéto, qué câouléjo

Lou jalibre acoumençan :

Quand la tèro sé déspoïo

Dé sa verdou, dé sa joïo :

Quand souléto à soun cantoun,

La flouréto sans famïo

Qué din la muraïo brïo,

D’âou sourél régordo fïo,

Guèto soun dariè poutou ;

/…/

Quand, soul din moun ermitage,

Câouffe mous pès endourmis

Per l’hiver que faï tapage,

Un pâou per l’hiver dé l’age,

En raïvan dé mous amis :

Dé mous amis qué, pécaïre !

Lou voulan d’âou grand ségaïre

Esclaïris à moun entour :

Aïme alor, aïme aquélo houro

Mounte la campano plouro,

Coumo la vêouso tourtouro,

Tant lêou qué tombo lou jour.